| Туризм адамдардың қарым-қатынасын, танымдық қабілетін арттырып, мәдениет пен өнердің дамуына, ел экономикасының өркендеуіне өзіндік үлесін қосып, ел мәртебесін әлемге танытуға мүмкіндік туғызады. Ел ішінде саяхат жасау ішкі (ұлттық) туризм; ал шетелге саяхатқа шығу халықаралық (шетелдік) туризм; саяхат мақсатына қарай:экологиялық, ойын-сауық, танымдық, спорттық балалар туризмі; әлеуметтік мақсатына қарай: іскерлік (конгресс, жәрмеңке), этникалық, діни туризм болып бөлінеді. 1975 жылы Дүниежүзілік туристік ұйым (ДТҰ) құрылған ол қазір дан астам елді біріктіреді, оған Қазақстан 1993 жылы мүше болып кірді. Қазақ жеріндегі туризмнің тарихы алғы шарттары б.з.б. 3- мыңжылдықта қалыптаса бастаған Ұлы Жібек жолының дамуы болып табылады. Қазақстанда алғашқы туристік ұйым 1931 жылы құрылып, оның төрағасы Ә. Жангелдин болды. 1993 жылы туризмді жетілдіру мақсатында Мемлекеттік бағдарлама қабылданып, Ұлы Жібек жолындағы тарихи орталықтарды жандандыру, түркі тілдес елдердің мәдени құндылықтарын қорғау мен дамыту. Туризм инфрақұрылымын жанарту мәселелері және 2030 жылға дейін Туризмді дамыту жоспары белгіленді. 1998, 2000, 2001 жылы Қазақстан Республикасының туризмге байланысты шыққын заң жобаларында ел экономикасында туризмнің құқықтық, экономикалық және ұйымдық негістері қарастырылған.
|
