1629
жылы ішкі таластардан кейін Хо-өрлік 50 мың адамнан тұратын ойраттарды бастап,
Алтай мен Жоңғар Алатауы бөктерінен жоғарғы Есіл, Тобыл, Ырғыз, Торғай өзендері
арқылы жылжи отырып Ембіге жетті. Бұл бұрын көшіп келген жоңғар әтрәттәрінің жағдайының
нығаюына өз үлесін қосты. Қазақстанның батыс аудандары Тобыл, Ембі, Орал, Еділ
жағалауларына жоңғарлардың көптеп көшіп келіп орналасуы, қазақтардың жер, су,
жайылымдарды пайдаланудағы бұрынғы тепе-теңдікті бұзды. Жоңғарлар тек
жергілікті қазақтарды ғана емес, сонымен бірге Еділ мен Жайықтың солтүстік жағалауларында
орналасқан башқұрлар, ноғайлар мен татарларды да ығыстыра бастады. 17 ғасырда бұл
жерлерге орыстар да қоныстана бастаған болатын. Орыстардың жоңғарларды қалмық
деп атауы, "колымага" деген орыс сөзінен шыққан.
