Құрметті сайт пайдаланушылары сіздердің назарларыңызға  Ақтау қаласында Ұ.Ә.Есназарованың ұйымдастыруымен географиядан республикалық атаулы мектебінің ұстаздарына  ғылыми-әдістемелік семинары  өткізілген еді.  Сол семинарға қатысқан Павлодар қаласы Абай атындағы №10 лицейдің  география пәні мұғалімі Жакупов Аманжолұлы Алтынбектің   

Мәдинада- Мұхаммед, Түркістанда -Қожа Ахмет, Маңғыстауда - Пір Бекет.

атты мақаласын ұсынып отырмыз.

Маңғыстау облысында Азия құрлығындағы ең төмен Қарақия ойпаты жатыр. Ол бүгінгі Ақтау мен Жаңаөзен қалаларын жалғайтын автотрассаның төменгі беткейімен жүріп бағытын  Оғыланды  жеріне  апарады. Ақтау мен Жаңаөзен қалаларының аралығында қаз-қатар және  ұзынан-ұзақ  мұнай бұрғылап жатқан бұрғыларды көріп тәнті болдық. Жергілікті халық мұнай бұрғыларын «батыстың жасанды ну ормандары» деп қалжындап айтады екен. 

Ақтау мен Оғландының арасы үш жүз шақырым айналасында. Жолдың көп бөлігі таулы, тасты, құмды болып келеді. Бекет атаның басына баруға жиналған  жолаушы  Шопан атаның зиратына көлік басын бұрып, зиярат етеді. Көнекөз  қариялардың  айтуы бойынша, Шопан ата оныншы ғасырларға дейін өмір сүрген белгілі әулиелердің бірі болған. 

    Жем бойы -  жеті жұрт жайлаған ежелгі аталардың құт қонысы. Осындағы Ақкиізтоғай ауылының «Ақмешіт» аталатын қасиетті мүйісінде 1750-жылы Адай руынан шыққан көріпкел әулие, жаужүрек батыр, ізгі жүректі, кереметімен қол бастаған батыр, от ауызды, орақ тілді шешен-би, ежелгі өнерді дамытқан сәулетші-шебер, алдындағыны болжағыш, қысылғанды жебеген сәуегей абыз, ұлағатты ұстаз, аузы дуалы ғұлама, табиғатынан  ерекше жаралған жан Бекет Ата Мырзағұлұлы дүниеге келген. 

   «Ердің соңы – Есет, Пірдің соңы -Бекет», «Қазақ қорықса Бекет дейді, Бекет те айтқандарын екі етпейді»