Бұл журнал ұлтын сүйетін, ұлтының болашағын ойлайтын қауымға арналып отыр. Журналдың редакция алқасының төрағасы Бекболат Тілеухан, бас редакторы Бекен Қайратұлы.
 Қоғамдық-саяси, мәдени-танымдық «Оян.Намыс.kz» атты журналдың алғашқы саны жарық көрді. Екі айда бір рет шығатын бұл басылымның басты мақсаты – айтылуға тиісті ащы шындықты өткір тілмен оқырманға жеткізуге күш салу екен. Журналдағы «Бодандық қамыты қазақтың мойнынан түссе де, миынан түскен жоқ», «Отарлаудың ойраны», «Бейғам қазақ һәм Бедеу Еуропа», сияқты көлемді мақалалар тақырыбында айтылып тұрғандай, жұртшылық көкейіндегі ең өзекті ойларға қозғау салған. Тарихтың ақтаңдағы, қазіргі қоғамның түйткілді тұстары, биліктің елге деген енжарлығы –журнал тілшілері көздеген басты нысана. Сондай-ақ, оқырманды имани біліммен сусындатып, қазақтың ұл-қыздарының жігерін қайрап, намысын қамшылау кеңінен қамтылған. «Қауқарың қодас құрлы бар ма, қазақ?», «Құл дегеніміз кім?», «Жолбарыстар хикаясы» атты өткір тілді дүниелер шынында да намыс пен жігерді қайрайды. Шын мәнінде мұндай журнал ұлттық баспасөз айдынында бұрын-соңды жарық көрген жоқ десе де болады. Бұл журнал ұлтын сүйетін, ұлтының болашағын ойлайтын қауымға арналып отыр. Журналдың редакция алқасының төрағасы Бекболат Тілеухан, бас редакторы Бекен Қайратұлы. |
